Tapşırıq yaratmağın bir neçə yolu var; hamısı eyni nəticəni verir, fərq yalnız neçə klik lazım olmasındadır.
| Yol | Harada | Nə vaxt rahatdır |
|---|---|---|
| «Yeni tapşırıq» düyməsi | Layihə lövhəsi | Bütün sahələri (icraçı, tarix, prioritet) dərhal doldurmaq istəyəndə |
| Sürətli əlavə sətri | Lövhənin üstü | Ardıcıl bir neçə tapşırıq yazanda — pəncərə açılmır |
| Bölmə içindəki «+» | Lövhə sütunu | Tapşırıq dərhal həmin bölməyə düşsün istəyəndə |
| Başlıqdakı «+ Yeni» | İstənilən səhifə | Layihədən kənarda ağlınıza gələni tez yazmaq üçün |
Klaviaturadan n düyməsi istənilən səhifədə sürətli yaratma pəncərəsini açır.
Doldurula bilən sahələr
- Ad — yeganə məcburi sahə
- Təsvir — mətn;
@yazıb işçi seçsəniz, ona bildiriş gedir - İcraçı — bir nəfər; boş qala bilər
- Bitmə tarixi və başlama tarixi
- Prioritet — təcili, yüksək, orta, aşağı, yoxdur
- Status — görüləcək, iş prosesində, yoxlamada, tamamlandı, bloklanıb, ləğv edildi
- Bölmə — layihə daxilində sütun
AI ilə yazmaq
Bir neçə söz yazıb ✨ düyməsinə basanda sistem onu peşəkar tapşırığa çevirir: aydın ad, strukturlu təsvir və istəsəniz 3–7 addımlıq alt tapşırıq siyahısı. Uzun qeyddən (məsələn iclas protokolundan) icra oluna bilən tapşırıqları ayırıb çıxarmaq da mümkündür.